Dunyoga keldik, yashayapmiz va bir kun bu dunyoni tark etamiz.

Ammo ushbu dunyoda nima uchun yashayotganimizni bilmaymiz gohida.

Nega tug'ildik, ayting, nega? Yashamoqdan maqsadimiz ne?

O'y-xayollarimiz bisyor ammo ularga javob yo'q.

Yashaymiz nimanidir umid qilib, nima uchundir intilib va ana shu intiqlik, umid bizga yashash uchun kuch beradi.

Lekin har doim ham mana shu ishonch bilan yashay olmaymiz, gohi g'am-g'ussaga botgancha o'tiramiz.

Biroq g'am-g'ussaning foydasi yo'q.

Shu damda o'zingizga savol bering. Men hozir afsuslanganim bilan bo'lgan ish orqaga qaytadimi?

Javob esa hamisha bitta: "YO'Q". Shunday ekan endi uni UNUTISH lozim, faqat UNUTISH.

Shunda siz hayotga boshqacha nazar bilan qaray boshlaysiz, shunda siz go'zalliklarni ko'ra olasiz. Yana hayot siz uchun o'z ajoyibotlarini ko'z-ko'z qila boshlaydi, yana ajoyibotlar olami sizni o'z bag'riga chorlaydi. Yana siz Baxtli bo'la olasiz.